Urduliz

Neguko Euskal Agenda 2009

Mon, 16/11/2009 - 10:26 — euskera

Uribe Kostako Zerbitzu Mankomunitateko Euskara Zerbitzuak negu partean antolatuko dituen ekintzen berri emateko agenda prestatu du aurten ere: Neguko Euskal Agenda 2009. Bertan azaroaren amaieran antolatuko den Euskal Zinemaren Astea, Euskararen Nazioarteko Eguna ospatzeko ekintzak eta Gabonetako ekintzak biltzen dira.

Euskal zinemagintzan diharduten zuzendarien lanak eta euskarara bikoiztutako lanak zabaltze aldera Euskal Zinemaren Astea antolatuko da azaroko azkeneko astean.

Horrez gain, jakinekoa denez, hainbat eta hainbat dira euskararen omenetan egiten diren ekitaldi eta jardunak Euskararen Nazioarteko Eguna ospatzeko (abenduaren 3an, Xabierko Frantzisko deunaren egunez), izan ere euskara bultzatu beharra dagoela ezin ahaztu daiteke.

Azkenik, ez ditugu Gabonak ahaztu behar eta, beraz, Gabonak euskaraz ospatzeko eskaintzarik ere ez da faltako.

Beldur Barik

Mon, 16/11/2009 - 10:16 — Admin_

Español

II. Encuentro de Mujeres de Uribe Kosta

Fri, 13/11/2009 - 14:46 — agenda21

Uribe Kostako Emakumeen II.Topaketa

Azaroak 21 – URDULIZ

Inolaren egoitzan, Torrebarri Bidea, 1 (Antzinako Kultur Etxea, Elizaren Aboan)

Iragarkia

Wed, 11/11/2009 - 16:06 — Admin_

Iragarki honen bidez argitara ematen dira Urdulizko Udaleko aholkulari juridikoa hautatzeko prozesuko lehenengo ariketako (ezaguera teorikoak) emaitzak. Interesatuek egutegiko 5 eguneko epea daukate erreklamazioak aurkezteko. Epea, beraz, azaroaren 16an amaituko da, 13:30etan.

MITOLOGIA TAILERRA

Mon, 09/11/2009 - 14:14 — euskera

Urdulizko udalak, Uribe Kostako Zerbitzu Mankomunitateko Euskara Zerbitzuaren bidez, mitologia tailerra eskainiko die Urdulizko 6 eta 12 urte bitarteko umeei.

Tailerrean euskal mitologia aberastuko dugu umeek sortutako kondaira berriekin.

- Zuhaitz zaharretik kimu berriak ateratzen dira izeneko tailerra: tailer honetan euskal mitologia aberastuko dugu umeek sortutako kondaira berriekin. Tailerreko dinamizatzaileek zenbait istorio mitologiko kontatuko dizkiete haurrei eta ondoren, pertsonaia mitologiko bana emango zaie. Haurrak 5 umeko taldetan banatuko dira eta talde bakoitzak istorio bat asmatuko du. Amaitzeko, asmatutako istorio guztiak liburu batean bilduko dira eta liburu hori herriko kultur etxean utziko da edonork irakur dezan.

Noiz: Abenduaren 3an, 16:30etik 18:30era

Non: Urdulizko Kultur Etxean

Tailerra Urdulizko 6 eta 12 urte bitarteko umeei zuzenduta dago.

Izen eman nahi duena Urdulizko Kultur Etxera joan dadila azaroaren 24 baino lehen.

KATRAMILA TAILERRA

Mon, 09/11/2009 - 13:48 — euskera

Urdulizko Udalak Uribe Kostako Zerbitzu Mankomunitateko Euskara Zerbitzuaren bitartez KATRAMILA TAILERRA eskaini nahi dizue Urdulizko 0-6 urte bitarteko haurren gurasooi zein hezitzaileoi.

Ikastaro honen helburua herriko gurasooi KATRAMILA liburu eta CDan bilduta dauden euskal jolas eta kantak irakastea da, umeekin euskaraz jolastu ahal izateko.

Agerian dago gure seme-alabak nahi baino gehiagotan jolasten direla gaztelaniaz, bai euskal jolasak ezagutzen ez dituztelako, bai gaztelaniazkoak euskaraz egiten ez dakitelako. Ekintza honen bidez, gurasooi zuon seme-alabekin euskaraz jolastu ahal izateko baliabideak eskaini nahi dizkizuegu.

Ikastaroaren ezaugarriak:

PARTE HARTZAILE KOPURUA: 7-20 parte hartzaile arteko taldea.

TAILERRAREN IRAUPENA: 2 ordu.

HIZKUNTZA: euskara.

EGUTEGIA: azaroaren 30ean

ORDUTEGIA: arratsaldeko 18:00etatik 20:00etara.

LEKUA: Urdulizko Kultur Etxea

Interesatuta egonez gero, informazio eta izen-emate orria Uribe Kostako Mankomunitateko Euskara Zerbitzuan eta Kultur Etxean izango dituzue eskuragarri.

Izena emateko epea: azaroaren 24ra arte.

Informazio-telefonoa: 94-676.26.74

BIGARREN ESKUKO EUSKARAZKO LIBURUEN AZOKA URDULIZEN

Mon, 09/11/2009 - 12:48 — euskera

Urdulizko Bigarren Eskuko Liburu Azoka ospatuko da larunbat honetan, azaroak 14. Parte hartzaileek hainbat gaitako liburuak erosteko aukera izango dute eta liburu guztiek prezio sinbolikoak izango dituzte: 1€, 2€, 3€.

Noiz: Azaroak 14

Non: Antsoneko plazan / Probalekuan (euria bada)

Ordutegia:

11:00 – 14:00 /// 17:30 - 20:00

Ikuskizunak:

- 13:00 Asier Kidam Magoa “Txintxin magikoa”

- 19:00 Kantu Kantoi ipuin kontalaria eta ilustratzailea

Zozketa: Parte hartzaileen artean 100 € euroko txartel bat zozkatuko da euskarazko liburu-jolas-CD-ak erosteko.

Azoka honen helburua, umeak eta gazteak irakurtzera animatzea da.

Ekintzak:

o Liburuen kioskoa, atera liburuak kalera: liburuetarako kiosko bat jarriko da, baita irakurtzeko mahaiak eta aulkiak ere.

o Liburuen txokoa: Koloreetako karpak jarriko dira eta barruko espazioa mota desberdinetako txokoz banaturik egongo da: komikiak, ipuinak, diskoa e.a.

o Liburu eta diskoen salmenta: urduliztarrek Uribe Kostako udalerrietan jasotako euskal disko eta liburuak erosteko aukera izango dute. Liburu eta diskoek prezio sinbolikoa izango dute, hau da, gehienez 3 euro. Urtean zehar liburu eta diskoak Kultur Etxeetara zein Mankomunitatera eraman dutenek prezio berezia izango dute, hots, euro bat.

o Parte-hartzaileen arteko zozketa: arratsaldean zozketa bat egongo da liburuak eta diskoak partekatzen lagundu dutenen artean. Urtean zehar liburu eta diskoak Kultur Etxe eta Mankomunitatera ekarri dutenei zozketa zenbaki bat emango zaie azoka eguneko zozketan parte hartzeko. Oparia elkar Megadendan erosketak egiteko 100€-ko txartel bat izango da.

Jarduerak: Azoka erakargarriagoa izateko goizez eta arratsaldez haurrentzako ikuskizunak egongo dira: 13:00etan Asier Kidam-en magia ikuskizuna egongo da eta 19:00etan ipuin kontalaria eta ilustratzailea.

Anima zaitezte, zuon zain egongo gara!

IZARREN DISTIRA TALENTU LEHIAKETA URIBE KOSTAN

Mon, 09/11/2009 - 11:54 — euskera

Aurten Uribe Kostako gazteek beraien talentua ezagutarazteko aukera izango dute.

Horretarako, Gorliz, Lemoiz, Plentzia, Sopelana eta Urdulizko Udalek, Uribe Kostako Mankomunitatearen Euskara Zerbitzuaren bitartez, Izarren Distira lehiaketa antolatu dute.

Parte hartu nahi duten 12-18 urte bitarteko Uribe Kostako gazte guztiek lehiaketan izena eman ahal izango dute azaroaren 27a baino lehen.

Sari nagusia ikaragarria izango da: ikas bidaiarako 1000 euroko dirulaguntza edo 6 lagunentzako asteburu pasa bat.

BELDUR BARIK (SIN MIEDO)

Thu, 05/11/2009 - 12:38 — agenda21

BELDUR BARIK (SIN MIEDO)
Datorren azaroaren 25ean ospatuko den Emakumeenganako Indarkeriaren aurkako Nazioarteko Eguna eta kanpaina zabaltzen lankide izan zaitezen gonbidatu nahi zaitugu. Kanpaina Eusko Jaurlaritzako Genero-indarkeriaren Biktimei Laguntzeko Zuzendaritzak, Emakunde-Emakumearen Euskal Erakundeak eta Euskadiko udalek, gure kasuan Urdulizeko udalak -Eudelen bitartez- jarri dogu abian, Berdinsarearen baitan.

URDULIZKO 2009KO ENPLEGU PRESTAKUNTZA PROGRAMA

Mon, 26/10/2009 - 08:21 — Admin_

Urdulizko Udalbatzak onartutako oinarriekin bat, ireki egin da Urdulizko Udalerako LANGILEAK PRESTATU ETA ONDOREN KONTRATATZEKO HAUTAKETA PROZESUAn parte hartzeko eskariak aurkezteko epea. Prozesua URDULIZKO 2009KO ENPLEGU PRESTAKUNTZA PROGRAMAren barruan sartzen da.

Menu